ئاى سمارت

حه‌نان تورك دواى سێ ساڵ دوركه‌وتنه‌وه‌ له‌ كارى هونه‌رى ئه‌م ره‌مه‌زانه‌ به‌ دراماى ته‌له‌فزیۆنى "هانم بین باشا" ده‌گه‌رێته‌وه‌، ئه‌مه‌ش دواى سێ ساڵ له‌ دوركه‌وتنه‌وه‌ به‌هۆى ده‌ستنه‌كه‌وتنى هیچ كارێكى هونه‌رى كه‌ له‌گه‌ڵ حه‌زى خۆى و سه‌رپۆشه‌كه‌ى كه‌ به‌ جوانترین برِیارى ژیانى خۆى ده‌زانێت بگونجێت، له‌لایه‌كى تره‌وه‌ حه‌نان ته‌واوبوو له‌ تۆماركردنى رۆڵی له‌ زنجیره‌ى رادیۆیی "اگلبنى من بابا" له‌گه‌ڵ هه‌ریه‌ك له‌ ئه‌حمه‌د حیلمی و حه‌سه‌ن حوسنى و ده‌رهێنانى عه‌لاء خه‌له‌ف، كه‌ له‌میانه‌ى مانگى ره‌مه‌زان راسته‌وخۆ پێش به‌ربانگ له‌ رادیۆى شه‌رقول ئه‌وسه‌تى میسری بلآوده‌كرێته‌وه‌. دواى سه‌رپۆشینى حه‌نان ده‌ستى كرد به‌ ده‌ركردنى گۆڤارێك به‌ناوى "نونه‌" كه‌ تایبه‌تمه‌نده‌ له‌ كاروبارى مندالآن، هه‌روه‌ها هه‌ڵسا به‌كردنه‌وه‌ى كافێیه‌كى تایبه‌ت به‌ ئافره‌تى سه‌رپۆش به‌ناوى "صبایا كافیه‌"، هه‌روه‌ها دوكانێكى تایبه‌تى به‌ "كوافێری قژ" كرده‌وه‌ تایبه‌ت به‌و ئافره‌تانه‌ى كه‌ سه‌رپۆشن.