ئاى سمارت

دەربارەی شێوەی جلپۆشینی زۆر لە كوردانی تاراوگەنشینیش ئاهەنگ بە پێكەنینەوە دەڵێ" دەیكەنە (ترشیات!) و زۆر جار هەوڵی زۆر دەدەن كە جوانترین و چاكترین جۆری جلوبەرگ بپۆشن، بەڵام بە هۆی لێنەزانینەوە ئەو جوانییەی كە جلەكان هەیانە دەكوژن، بۆ نموونە هێندە شتی ئاڵوواڵا بە خۆیانەوە دەكەن كە رەنگەكان یەكتری دەخنكێنن. بەداخەوە وا دەزانن دەبێ جل هەمیشە یەك رەنگ و شێوە بن و لێك بێن، لەكاتێكدا هەندێكجار جوانی لە پێكەوە گونجاندنی دوو رەنگ و شێوەی تەواو لە یەكتر جیایە لەگەڵ یەكتری".
ئەو كچە كوردە مۆدەكارە باسی جلوبەرگی پێشكەشكاری كەناڵە ئاسمانییە كوردییەكان دەكات و دەڵێ: "هەندێكجار جلی وا دەپۆشن كە لێرە خەڵكی ئاسایی دەیپۆشن و هیچ حیسابی رەنگەكانی ناو ستۆدیۆ و لە تەلەڤزیۆن دەركەوتنیان تێدا نەكراوە، یان هەندێكیان هەندێك جل دەپۆشن كە لێیان نایێت و ئیتر هەر بەو جۆرە جلەوە دەقیان گرتووە".
ئاهەنگ پێیوایە كە پۆشینی جل زۆرتر رەنگدانەوەی هەستی مرۆڤەكانە و ئەوانەی دڵیان خۆشە و حەزیان لە ژیانە ئەو هەستانە لە جلەكانیشیاندا دەردەكەوێت: "من زستانان زۆر جار بێتاقەت دەبم و بێ ئەوەی گوێ بدەمە جۆری جلەكانم دەڕۆمە دەرەوە، هەندێكجاریش رەنگە نیو كاژێر خەریكی دۆزینەوەی جلێكی جوان بم".